#الانفعالات_العاطفية
شوية أنجاس ملهمومش أي قيمة في الكون ولا بنسمع عنهم حتي في طبق اليوم .. بيشتموا في _اﻹسلام ونبي اﻹسلام_ كل يوم ولا حد بيسمع عنهم في نفس الوقت اللي المسلمين ميعرفوش فيه أي حاجة عن دينهم ولا عن نبيهم وأكتر من كده أفعالهم لا تمت بصلة لا من قريب ولا من بعيد للدين اللي بينتموا له (علي البطايق الشخصية) -إلا من رحم الله- ..
يحصل أي مشكلة عند الحثالة اللي بيشتموا دول تخلي غيرهم يتعاطف معاهم ويبقي السب والشتم دولي برعاية دولية ..
قوم إيه بقي !!!
المسلمين يسمعوا وكده إن فيه رمز عندهم بيتشتم .. فالدم يجري في عروقهم ويتنططوا شويتين ويكتبوا علي الفيس وتويتر أكلاشيهات من عينة : فداك أبي وأمي يا رسول الله *مع شوية عياط*
ويمر يوم والتاني ومع التالت الدم يرجع تاني بارد ، والتنطيط يهدي ، واللي كان بيعمل حاجة بتسئ للإسلام ولنبيه أكتر من الصور اللي زعل منها بقي يرجع يعملها وتاني .. وتبقي الحياة بيس ...
وهكذا حتي يحدث مثل ما حدث من قبل ...
وهكذا هو صاحب الانفعالات العاطفية ...
لا دينا نشر !!ولا نبيا نصر !!
بل في الحقيقة كان صورة رسمها الرسام المسئ زاعما أنها صورة اﻹسلام الحقيقية !!
أربع علي نفسك أيها المنفعل وهدئ أعضاءك .. فالنبي يشتم كل يوم -قد يكون بسببك- وأنت في غفلة عن دينك وعن نبيك ..
إذا أردت أن تنفعل فليكن انفعالك عقديا نابعا من عقيدتك لا انفعالا عاطفيا لتواكب موجة الرافضين .
No comments:
Post a Comment